JUST...

იმედიანი ორშაბათი ანუ დღემეხვალიე კაცსაო თოვლი მოადგა კარსაო..

2012-02-04T01:26:00.000-08:00

დიდი ხანია ასე ვარ, მგონი ბავშვობიდან.. ყოველთვის ორშაბათს ვიწყებ რაღაცას: დიეტას, სწავლას, ვარჯიშს თუ რა ვიცი რაც იქნება..მაგრამ მოდის ეს ორშაბათი და მას მოყვება რაღაც ,,ხელისშემშლელი ფაქტორებიც''. და მერე, რადგან ორშაბათს ვეღარ ვახერხებ რაღაცის დაწყებას, უკვე არ დაწყებული რეჟიმიდან ვვარდები :)))
მაგიური სიტყვაა ჩემთვის ორშაბათი..ახალი წელივითააა :)) ანუ რაღაც ახლის დასაწყისი..რომლის დაწყებასაც იშვიათად ვახერხებ.. ამჯერად ვაპირებდი გასული ორშაბათიდან ვარჯიში, დიეტა და სწავლა ერთად დამეწყო და რც მთავარია ადრე დამეძინა და გამეღვიძა, ამ ყველაფრიდან მარტო ვარჯიში მოვახერხე ჯერჯერობით ისე, რომ დღე არ ჩამიგდია, დანარჩენს მომავალი ორშაბათიდან ვგეგმავ :)))
სასწავლში უნივერსიტეტის სასწავლს არ ვგულისხმობ, ამას ყოველთვის ვახერხებ და საკმაოდ კარგადაც. უბრალოდ მინდა ინგლისური და იტალიური არ დამავიწყდეს და საკუთარ თავზე ვიმუშავო, კიდე PR-ის რაღაცეები ვიკითხო, მართვის მოწმობის აღებისთვის საჭირო ბილეთები ვისწავლო, და ჩემი ბაკალავრის პროფესია ხელოვნებათმცოდნეობა არ დავივიწყო.. ნუ მოკლედ სწავლა სწავლა და სწავლა © ლენინი :))))) ლენინზე გამახსენდა, რაც შეეხება დილით ადრე ადგომას, დღე ღამეში 4 საათი მძინავს, ლენინსაც ასე ეძინა შემდეგ გამელოტდა, დაპატარავდა და ეხლა მავზოლეუმშია, ერც ერთი მინდა არც მეორე და მითუმეტეს არც მესამე :))))) რისთვის ვათევ ღამეებს მეთვითონაც არ ვიცი, ფბ-ზე და სკაიპში მეგობრებთან გაუთავებელ მიმოწერაში ისე გადის დრო ვერც კი ვამჩნევ და ჩაძინებული არ ვარ უკვე Maroon 5-ის Wake Up Call-ი რომ მაღვიძებს ტელეფონის ვიბროსთან ერთად..კიდევ 5 წუთიც რააა-გავიფიქრებ და ვტრიალდები, თოთქოს ამ ხუთ წუთში აუცილებლად გამოვიძინებ, მაგრამ ჩემი ამბავი რომ ვიცი ზუსტად მაგიტომ მაქვს ტელეფონზე მაღვიძარის ყოველ 5 წუთში გამეორება და ძალაუნებურად ირღვევა ჩემი ძილი. ხანდახან არის ის შემთხვევაც, რომ საერთოდ ვთიშავ ტელეფონს და ეს 5 წუთიც გამოვიძინებ 3 საათს გრძელდება და მერე ყველგან ვაგვიანებ.
როგორც უკვე ავღნიშნე ვარჯიში დავიწყე გასულ ორშაბათს და ეხლა იმედიანად ველი მომავალს, რომ ამ ორშაბათიდან ზემოთჩამოთვლილი გეგმები განვახორციელო :)))

ფიქრები ძილის წინ...

2012-01-30T12:53:00.000-08:00

ახლა რომ დავიძინო 7 საათი ძილი მეყოფა?
არადა ხვალ 10ის ნახევარზე უკვე სამსახურში უნდა ვიყო..აუცილებლად უნდა ვიყო..ხან ვაგვიანებ ხან ვაცდენ..(თუმცა არა უმიზეზოდ). არადა დღეებია საკუთარ თავს რაც შევპირდი რომ ადრე დავიძინებდი და დილით ადრე გავიღვიძებდი...პირობა უნდა შევასრულო!!!!
ნეტა მალე დამეძინოს...მუსიკას მოვუსმინო? -არა მერე ფიქრებში ვერთობი და დიდხანს მიგრძელდება..
ბაბუა ცუდადააა... ::(( ნეტა გამოჯანმრთელდეს რა :((
ძილის წინ ჩვეულებრივ დაწოლის წინა მოკლე ლოცვებს ვკითხულობ და ვწვები..მერე მოდის ფიქრები...არა ჯერ საკუთარ თავთან მაქვს აღსარებასავით რაღაც..რა გავაკეთე ცუდი და რა კარგი..მიდის მთელი დღის გაანალიზება..მერე ფიქრები მეორე დღეზე..ჯერ რამდენ ხანს გასტანს ჩემი ძილი, შემდეგ რა ჩავიცვა ხვალ, სად უნდა წავიდე და ვინ ვნახო..ხანდახან ცუდ რაღაცეებზე მეფიქრება და ამ დროს პატარა ბავშვივით ძალიან ვხუჭავ თვალბს და ჩემს თავს ვაიძულებ კარგ რამეზე ვიფიქრო..მერე ვითვლი..იქნებ ჩამეძინოს..ისევ ფიქრები..ფიქრებს სიზმრები მოსდევს..
ჩვევა მაქვს ღამე მეღვიძება და ტელეფონს დავყურებ..ნეტა ვის ველოდები? არც არავის (უკვე არავის, მაგრამ ჩვევა რჯულზე უმტკიცესიაო ამბობენ და მეც მეღვიძება და ვუყურებ).
ხო, მარტო არ მძინავს, გაგეცინებათ და ერთი პატარა დათუჩა მყავს თეთრი წითელი ქუდით მას ვეხუტები და ისე ვიძინებ უკვე წლებია :)))
ეხლა რომ დავიძინო რამდენ ხანს გამომივა ძილი?
ერთი....ორი....სამი....ოთხი...ხუთიიი.....

დავწვები დამეძინება
პირჯვარი დამეწერება,
ცხრა ხატი ,ცხრა ანგელოზი
თავქვეშ დამესვენება.

ჩემი ფოტო სიყვარული... :)

2012-01-26T04:32:00.000-08:00

ყველაფერი ბავშვობიდან დაიწყო...მახსოვს მამაჩემი ჩაბნელებულ სააბაზანოში შეიყუჟებოდახოლმე ფოტოების გასამჟღავნებლად და დასაბეჭდად, მე ფარდოდ შევაღებდი კარს და როგორც ყოველთვის ვაფუჭებდი ყველაფერს..მერე ვიდექი და გაფაციცებით ვუყურებდი როგორ კეთდებოდა ყველაფერი და მიხაროდა ფოტოებზე ჩემი თავის და ახლობლების დანახვა..დანარჩენი არაფერი მესმოდა..მაშინ ეს უბრალოდ საკუთარი თავის და ხალხის დაფიქსირების საშუალება იყო ჩემს წარმოსახვაში..ერთი სული მქონდა როდის გამოჩნდებოდა გამოსახულება საგულდაგულოდ გაბმულ თოკზე ,, შპილკით'' ჩამოკიდებულ ფურცელზე ჩემი თავი..ბევრი სხვადასხვა კამერა გვქონდა სახლში..განსაკუთრებით ის მიყვარდა სლაიდებს რომ მიღებდა :))) შემდეგ ერთი ორი ფოტოაპარატი შემომეშალა :))) და აწყობისას ზედმეტი ნაწილები დამრჩა..უბრალოდ მაინტერესებდა სად იყო ჩიტი რომლის გამოფრენასაც სულ ველოდებოდი :)))))))) რაღაც განსაკუთრებული სიყვარული მქონდა ბავშვობიდანვე ფოტოგრაფიის მიმართ..არ ვიცი ეს თანდაყოლილი იყო თუ მამაჩემის წყალობით შეძენილი..გადმოვიღებდიხოლმე ,,ზენიტი''-ს ფოტოაპარატს და ვაჩხაკუნებდი და ვაჩხაკუნებდი..

გავბედნიერდი სონი-ს ალფა 230 რომ მაჩუქეს, შევხედე და უცებ ის გამახსენდა როგორ ვაწვალებდი ზენიტის ობიექტივს, გადმოვიღე და გვერდიგვერდ დავდე..გამეცინა.. ტექნიკა წინ წავიდა ემოციები იგივე დარჩა ფოტოაპარატის მიმართ. არ მაქვს პრეტენზია ვიყო ფოტოგრაფი (ნუ ჯერჯერობით მაინც). მე უბრალოდ ვიღებ..ვიცი ცუდი მიდგომაა ასე ლაპარაკი..მაგრამ აუცილებლად მინდა ვისწავლო ეს საქმე. როგორც კაგი მხატვარი ვერ იქნები თუ ფერებში და ჩრდილებში და ა.შ. ვერ ერკვევი იგივეა ფოტოგრაფობაც.. რაც მთავარია არის მონდომება და სურვილი და ვიცი ყველაფერი გამოვა..აუცილებლად შევაჩერებ ერთხელ ისეთ წამს რომელიც ბევრს დიდხანს ემახსოვრება :)

,,ფოტოგრაფია (ბერძნულიდან φωτο და γραφία), მგრძნობიარე მასალაზე, როგორიცაა ფირი ან ელექტრონული სენსორი, მყარი ან მოძრავი სურათების შექმნის პროცესი და ხელოვნება. საგნებიდან არეკლილი ან გამოსხივებული სინათლე ააქტიურებს მგრძნობიარე ქიმიურ ან ელექტრონულ სენსორს მოკლეხნიანი ექსპოზიციის პერიოდში, როგორც წესი, ფოტოგრაფიული ლინზის საშუალებით, მოწყობილებაში, რომელსაც კამერა ქვია, და რომელიც მიღებულ ინფორმაციას ქიმიურად ან ელექტრონულად ინახავს. ფოტოგრაფიას მრავალმხრივი გამოყენება აქვს მეცნიერებაში, ბიზნესსა და გართობაში.

კინოფილმისთვის ფოტოგრაფიული გამოსახულებების ჩაწერისას განათებისა და კამერის შერჩევის ტექნიკა კინემატოგრაფიის დისციპლინაა.

თავდაპირველად ფოტოგრაფიის მიზანი იყო პორტრეტული ან ნატურალური გამოსახულებების მიღება დროის ისეთ პერიოდში, რომელიც გაცილებით ნაკლები იქნებოდა იმ დროზე, რომელიც დასჭირდებოდა მხატვარს ამავე მიზნის მისაღწევად. თავისი განვითარებისა და სრულყოფის პროცესში გამომსახველობითი ფოტოგრაფია იქცა ხელოვნების დამოუკიდებელ სახეობად – ფოტოხელოვნებად.

წყარო: © ვიკიპედია http://ka.wikipedia.org/wiki/%E1%83%A4%E1%83%9D%E1%83%A2%E1%83%9D%E1%83%92%E1%83%A0%E1%83%90%E1%83%A4%E1%83%98%E1%83%90 ''

სმაილიკი :)

2011-10-27T22:32:00.000-07:00

ომ დღიდან რაც ინტერნეტს და კომპიუტერს დავუმეგობრდი ,,სმაილიკიც'' ჩემი ერთგული მეგობარი გახდა. ეს პატარა არსებები ემოციის გადმოსაცემი ერთერთი ყველაზე კარგი საშუალებაა ემოციის გადმოსაცემად. თუმცა მხოლოდ ეხლახანს დვინტერესდი მისი წარმომავლობით და მინდა ეს ინფორმაცია თქვენც გადმოგცეთ რომელიც ვიკიპედიის საშუალებით მოვიპოვე. მაშ ასე გაიცანით ჩვენი მეგობარი სმაილი:

სიცილაკი ან სმაილი (ინგლისურად Emoticon (ტექსტური სიცილაკებისთვის) ან smiley (გრაფიკული სცილაკებისთვის) პუნქტუაციური ნიშნებისგან შემდგარი ან გრაფიკული ხასიათის, ადამიანის სახის გამომხატველი სიმბოლო, რომლის მთავარ ფუნქციას წარმოადგენს ელექტრონულ მეტყველებაში პირისპირ კომუნიკაციისთვის დამახასიათებელი ემოციების გამომსახველი მიმიკებისა და ჟესტუალობების შეტანა.

წარმოშობა

გრაფიკული სიცილაკები (smiley)

პირველად ორი წერტილითა და ფრჩხილით გამოხატული მრგვალსახიანი ფიგურა გამოჩნდა ნიუ იორკ ჰერალდ ტრიბუნის ( New York Herald Tribune) 1953 წლის 10 მარტის ნომრის მე-20 გვერდზე. ყვითელი ფერი და საბოლოო ფორმა კი მას მისცა ჰარვეი ბალმა 1963 წელს, ერთ-ერთი დიდი ამერიკული სადაზღვევო კომპანიის დაკვეთით. სულ მალე სიცილაკმა უდიდესი პოპულარობა მოიპოვა. მიუხედავად იმისა, რომ იყო მცდელობა ნიშნის საავტორო უფლების დაცვისა, ამერიკაში ჯერ კიდევ პროცესის დასრულებამდე გახდა იგი პოპულარული და მისმა გამოყენებამ საჯარო ხასიათი მიიღო.

სიცილაკი პოპულარული გახადეს 1970-იანი წლების დასაწყისში ძმებმა მიურეი და ბერნარ სპეინებმა. ისინი აწარმოებდნენ ყავის ჭიქებს, მაისურებსა და მისაკრავ ქაღალდებს რომლებზეც გამოსახული იყო სიცილაკი შემდეგ სიტყვებთან ერთად : «ბედნიერ დღეს გისურვებთ » ("Have a happy day" ).

თავის მხრივ, ლონდონში არსებული საზოგადოების, SmileyWorld –ის პრეზიდენტი ფრანკლინ ლუფრანი ამტკიცებს, რომ აღნიშნული ლოგო მან თავად შექმნა 1971 წელს რამდენიმე ევროპულ გაზეთში სასიამოვნო ახალი ამბების ხაზგასასმელად და მკითხველთა კარგ ხასიათზე დასაყენებლად.

მანვე განავითარა სიცილაკების სხვადასხვა ვარიანტები და აღნიშნული ლოგო სამარკო ნიშნად აქცია. დღეისთვის ეს ნიშანი ფრანკლენ ლუფრანის მიერ დარეგისტრირებულია 100-ზე მეტ ქვეყანაში, ხოლო მისი საზოგადოება, SmileyWorld, თანამშრომლობს ტანსაცმლის, პირადი მოხმარების საგნების, კანცელარიის, სათამაშოების, საკვებისა და ა.შ. მწარმოებლებთან.

1997 წელს, მისმა ვაჟმა, ნიკოლა ლუფრანმა განავითარა აღნიშნული ლოგოს 100-ზე მეტი ვარიაცია.

გრაფიკული სიცილაკების ნიმუშები:

მილოცვა	ნდობა	დაბნეულობა	ღრმა შეშფოთება	მეგობრული
ავადმყოფი	უცოდველი	ისტერიული	გულგრილი	დაცინვა
ბოროტი	სკეპტიკური	ღიმილი	გულიბრყვილო
უკმაყოფილო	"ძალიან ვწუხვარ"	მთქნარება

ტექსტური სიცილაკები (Emoticon)

ამერიკულ სატირულ ჟურნალში Puck წარმოდგენილი ტიპოგრაფიული სიცილაკები, 30 მარტი, 1881.

გრაფიკული სიცილაკების ანალოგს წარმოადგენს მათი ტექსტური ვარიანტები, რომელთა გამოხატვაში გამოიყენება მხოლოდ სასვენი ნიშნები. პირველი ტექსტური სიცილაკები ( :-) და :-( ) გამოგონებულ იქნა 1982 წლის 19 სექტემბერს კარნეჯი მელონ უნივერსიტეტის (Carnegie Mellon University) კომპიუტერული მეცნიერებების კათედრის პროფესორის, სკოტ ე. ფალმანის მიერ უნივერსიტეტის ფორუმზე არსებული შეტყობინებების აღსანიშნავად.

ტექსტური სიცილაკების აგების პრინციპი მარტივია : საკმარისია თავი 90 გრადუსით შეაბრუნო მარცხნივ, რომ ადვილი გასარჩევია სტილიზებული სახის ფორმა, რომელშიც ორი წერტილი თვალებს გამოხატვს, ტირე - ცხვირს, ფრჩხილი კი - პირს. დღეისთვის არსებობს ტექსტური სიცილაკების მარცხნივ შებრუნებული ვერსიებიც, რომლებიც არანაკლები პოპულარობით სარგებლობს.

ბევრი კომპიუტერული პროგრამა, მათ შორის word-ი, ინტერნეტ ფორუმები და მყისიერ შეტყობინებათა სერვისები (ე.წ. მესინჯერები) კლავიატურაზე აკრებილ ტექსტურ სიცილაკს ავტომატურად გარდაქმნის შესაბამის გრაფიკულ ექვივალენტად. ამგვარი გრაფიკული სახეები გაცილებით მდიდარია ვიზუალურად, მათ წასაკითხად არ არის საჭირო თავის შებრუნება, ზოგ შემთხვევაში ანიმაციურიცაა. ამის მიზეზია ის, რომ ისინი არ არის ASCII-ს ნიშნებით (American Standard Code for Information Interchange, ალფანუმერული ნიშნების გამოსახვის სტანდარტული კოდი) შეზღუდული და წარმოადგენს Gif –ის ფორმატის სურათებს.

იაპონური სიცილაკები

იაპონიაში სიცილაკებს კაო მააკუ ანუ « სახის გამოსახულება » ეწოდება. მათი თავისებურება ჩვეულებრივ სიცილაკებთან შედარებით არის ის, რომ მათ წასაკითხად თავის გადახრა არ არის საჭირო, თვალები კი წერტილების მაგივრად უფრო ხშირად ტირეებითაა გამოსახული.

ჰოკაიდოსა (იაპონია) და ალბერტას (კანადა) უნივერსიტეტებში ფსიქოლოგების ჯგუფმა მასაკი იუკის ხელმძღვანელობით, გააანალიზეს თუ როგორ შიფრავენ იაპონლები და ამერიკელები სახის ექსპრესიებს. გაირკვა, რომ ამერიკელები მთავარ ყურადღებას აქცევენ ტუჩებს, იაპონლები კი - თვალებს. სწორედ ეს უდევს საფუძვლად იმ ფაქტს, რომ დასავლურ სიცილაკებში უმეტესწილად პირის ფორმა იცვლება, მაგ : :); :( ; :| ; :D ; :P , ხოლო იაპონურებში - თვალების მოყვანილობა : ^_^ ; T_T ; ô_O ; -_- ; >_< და ა.შ

სიცილაკების როლი ელექტრონულ მეტყველებაში

სიცილაკებს ყველაზე ხშირად განსაზღვრავენ, როგორც პარალინგვისტური ნიშნების (მიმოჟესტუალობა, ინტონაცია) არარსებობის კომპენსირების საშუალებებს. ამგვარი ინტერპრეტაცია ხაზს უსვამს ელექტროული ნაწერების ზეპირ ხასიათს. სიცილაკები ასევე შეიძლება ექსპრესიულ პუნქტუაციურ ნიშნებადაც განვიხილოთ.

გარდა ამისა, სიცილაკებს ადარებენ აგრეთვე თეატრალურ ტექსტში არსებულ დიდასქალიებს, რამდენადაც ისინი მკითხველს საშუალებას აძლევს ტექსტის კითხვის დროს მატერიალურობა და ჟესტუალობა წარმოიდგინოს.

ფუნქციის მიხედვით სიცილაკებს ოთხ ძირითად კატეგორიად ყოფენ:

ექსპრესიული (გრძნობებისა და ემოციების გამომხატველი) სიცილაკები;
ირონიისა და იუმორის გამომხატველი სიცილაკები;
რელაციური, ანუ მოსაუბრეთა შორის ურთიერთობის გამომხატველი სიცილაკები;
თავაზიანობის სიცილაკები.

გავრცელებული დასავლური სიცილაკები

:-) ღიმილი
:-( მწუხარება, იმედგაცრუება
;-) თვალის ჩაკვრა
:-DD ხარხარი
:-PP ენის გამოწევა

იგივე სტილის, მაგრამ ნაკლებად კლასიკური ვარიანტები :

:-X გაჩუმებული
:-* კოცნა
:-OO ყვირილი
|-OO მთქნარება
:-o გაკვირვებული, პირდაღებული
:- ° სტვენა, უმანკო სახის მიღება
: '( ტირილი
8-) თვალებს არ უჯერებს
:-\ შეცბუნებული, უკმაყოფილო
=:-/ პანკი
+:-| პაპი
:- EE აგრესიული
:-€ ვამპირი
:-3) ულვაშიანი კაცი
B-) მზისსათვალიანი მომღიმარი სახე
:-S შეცბუნებული ღიმილი
:*) სიმთვრალე
:-L დაღლილი
,':Y გამომცდელი მზერა
X8 პირზე ხელებაფარებული სიცილი
>:( გაბრაზებული
<3 გული ან თაიგული
</3 გატეხილი გული
:] ხუმრობა
:[ სერიოზულობა
:{] უვაში
:Đ უკბილო კაცი, რომლიც იცინის
O.O შოკირებული
O.o შოკირებული და სკეპტიკური
:-| ინდიფერენტული

ცხვირის გამოხატვა შეიძლება ასევე «o »-ს საშუალებით. ხშირად ამგვარ შტრიხს თვითდაცინვის ელემენტი შემოაქვს. თუ შევადარებით :) და :0) -ს შევამჩნევთ, რომ მეორე შემთხვევაში ვიზუალურად საქმე გვაქვს ჯამბაზის წითელი ცხვირის აღმნიშვნელ შტრიხთან, რომელიც თვითდაცინვასთან, ან უბრალოდ საკუთარი თავით სხვისი გამხიარულების სურვილთან ასოცირდება.

ხშირია ძალიან გრძელი სიცილაკების აგებაც, რომელიმე პერსონაჟის გამოსახატავად :

:(_8^(|)H ჰომერ სიმპსონი
@@@@@@@8-) მარჟ სიმპსონი
*<[]:{> სანტა კლაუსი

დღეისთვის უფრო ხშირია « ცხვირის » გარეშე სიცილაკები, რაც ზოგადა ელექტრონული მეტყველებისთვის დამახასიათებელ შემოკლების პრინციპს უკავშირდება.

:) ღიმილი
:( მოწყენილობა
:D სიცილი
XD ხარხარი
XP ენის გამოყოფა

შეიძლება ცხოველების და საგნების გამოხატვაც :

°P°°P° ინდაური
°.OO.°U ძაღლი
----<--{@ ან --{---@ ვარდი
|*-*| ვიდეოკასეტა
}((((*> თევზი
=>>>>* საახალწლო ნაძვის ხე
~<:o) ან ო<@:0) ჯამბაზი
E:0) კატა

კეპკანი ქუდის გამოსახატავად მარჯვნივ შებრუნებულ სიცილაკებს დასაწყისში d-ს უმატებენ, მარცხენა სიცილაკებს კი დასასრულს b-ს უწერენ.

d:-) კეპკიანი მომღიმარი « მემარჯვენე »
(-:b კეპკიანი მომღიმარი « მემარცხენე »

გავრცელებული იაპონური სიცილაკები

(^_^) ან (^^) შეესაბამება :) –ს
(^-^) სიცილი
^0^ ენთუზიაზმი
(;_;) ან (T_T) იგივეა, რაც :'-( და :_(
(@_@) ; O.o ; O_ô ; -.- ; -_- ; =.= მიუთითებს გაკვირვებას
é_è შეცოდება ან მუდარა
>_< ან è_é გაღიზიანება, განერვიულება
=^.^= ან >^.^< გამოხატავს კატას, ზოგადად კი ბავშვურ, საყვარელ ადამიანს.
d^o^g სიხარული აწეული ცერა თითებით.
d-_-b მუსიკის მოსმენა
(`_^) ან (^_~) თვალის ჩაკვრა
(<_>) მოწყენილი
(\_/) ძალიან გაბრაზებული
(-_-) ან (~_~) ან (~.~) ან (=_=) დაღლილი, მოწყენილი
($_$) ფულზე ფიქრი
(ó.ò) გაკვირვებული
(¬_¬)/¯ “კარგი იქნებოდა წავსულიყავით”
Q(^.^Q) გამარჯვებული
(9ò_ó)=@ მუშტებით მოჩხუბარი
(ρ_-)o მთვლემარე
(>._.)ø ან ø(._.<) წერა

წყარო: http://ka.wikipedia.org/wiki/%E1%83%A1%E1%83%98%E1%83%AA%E1%83%98%E1%83%9A%E1%83%90%E1%83%99%E1%83%98

რაც შეეხება იმას თუ როგორ ჩავსვათ ბლოგზე სმაილი, ამისათვის შევდივართ http://smiles.ge/ -ზე, შემდეგ ვაკოპირებთ შერჩეული სმაილის Direct URL-ს, პოსტის მენიუში ვირჩევთ სურათის ჩასმას from a URL და ვსვავთ დაკოპირებულ ლინკს :)

მებედნიერება :)))

2011-10-25T00:21:00.000-07:00

აი დღესაც გავიღვიძე და ღმერთს მადლობას ვეუბნები, რომ კიდევ ერთი დღე მაჩუქა. მადლობა ღმერთს რომ საშუალებას მაძლევს ჩემი ბედნიერებით დავტკბე :)
არ ვიცი რისი ბრალია კოლინ ტიპინგის თუ ბოლო დროს განვითარებული მოვლენების, მგარამ ფაქტი ერთია მებედნიერება :)) უბრალოდ ერთ დღესაც გადავწყვიოტე რომ ჩემ ცხოვრებაში ყველაფერი კარგად უნდა იყოს და ამ ჩემ გადაწყვეტილებას ჩემი ცხოვრებაც დაეთანხმა და ფეხდაფეხ მიყვება. ის ფაქტი რომ არ ვარ კონფლიქტური და დეპრესიული ადამიანი კიდევ უფრო ეხმარება ჩემი ბედნიერების დიდხანს განცდას. არის რთული მომენტებიც მაგრამ მაქსიმუმ 5 წუთი განვიცადო, მერე უკვე ხალისს ვიწყებ (ნუ გააჩნია სიტუაციას, ყველაზე მეტად დეიდის და ბაბუის სიკვდილი განვიცადე ), ვჯდები და ჩემს მეგობრებთან ერთად ვხალისობ იმაზე რამაც სხვა შეიძლება წყობიდან გამოიყვანოს ან აატიროს, რა ვქნა მართლა მეცინება :))))) საერთოდაც ცხოვრებაში არაფერი ხდება პრობლემების გარეშე, ეს ალბათ იმიტომ რომ ბედნიერების და კარგად ყოფნის გემო უფრო მძაფრად შევიგრძნოთ. ცხოვრებაში რაც უფრო მეტი წინააღმდეგობა მხვდება მით უფრო დიდი მოტივაცია და ბრძოლისუნარიონობა მიჩნდება. საკუთარ თავზე გაგონილ ჭორებსაც და გამონათქვამებსაც იუმორით ვუდგები, უბრალოდ იმ ადამიანებს ვინც ამას იგონებენ არ შეიძლება ნორმალურად და ადამიანურად მიუდგე :)))
ვაკეთებ იმ საქმეს რომელიც მიყვარს, მყავს მშობლები და ბებია ბაუა რომელიც ძალიან მიყვარს, და ყველანაირად ხელს უწყობენ ჩემს კარგად ყოფნას. მყავს ძალიან დიდი და კარგი სანათესაო, უსაყვარლესი მეგობრები, და საერთოდ ადამიანები რომლებსაც ძალიან ვუყვარვარ და მიყვარს და რომელთა გვერდში დგომას ყოველთვის ვგრძნობ :) ვსწავლობ იქ სადაც მინდოდა ჩამებარებინა მაგისტრატურაზე.
მოკლედ ყველანაირი საფუძველი მაქვს იმისა რომ ბედნიერი ვიყო.
ბედნიერების მთავარი ფორმულა კი იმაშია რომ შენ საკუთარ თავში უნდა ეძებო ბედნიერება და როცა მთელი გულით შეიგრძნობ ამას, შემდეგ ცხოვრება უკვე ვეღარ შეგეწინააღმდეგება და მას უბრალოდ ისღა დარჩება ხელი შეგიწყოს ბედნიერებაში.
და ბოლოს მოვიყვან ჩემი საყვარელი კოკო შანელის სიტყვებს: ,,მაქვს დრო სიყვარულისთვის და მაქვს დრო მუშაობბისთვის, სხვა რამისთვის დრო უბრალოდ არ მრჩება.''
აი რა არის საჭირო ბედნიერებისთვის...კიდევ ბევრი მაქვს წინ და ცხოვრებისგან უფრო მეტ სასიამოვნო სურპრიზებს და ლამაზ დღეებს ველოდები

დილა მშვიდობისა... Just smile :)

2011-10-19T23:21:00.000-07:00

დილამშვიდობისა მოქალაქენო და მცხოვრებნო ინტერნეტსა შინა :))))) დღეს დილით სანამ თვალებს გავახელდი უკვე ვიცოდი რომ ბევრი საქმე მქონდა და ვფიქრობდი რა არის საჭირო იმისათვის რომ დილა კარგად დავიწყოთ რაც ფსიქოლოგების აზრით მთელი დღის სასიამოვნოდ გატარების საწინდარია...
მედიკოსების აზრით (არ მახსოვს სად ამოვიკითხე) რომ გაიღვიძებ კარგად უნდა ,,გაიზმორო'', გაიწელ-გამოიწელო, შემდეგ ლოგინში ფეხები აამოძრაო ე.წ. ველოსიპედის ვარჯიში გააკეთო და წამოდგე. ველოსიპედს არ ვაკეთებ მაგრამ გაწელვ-გამოწელვის გარეშე მართლა მიჭირს დილით გამოფხიზლება :)) ყველაზე მთაარია დილით თვალს რომ გაახელ შენს დილას გაუღიმო, რადმენად სასიამოვნო დღე გექნება ამის შემდეგ ცოტა რთული სათქმელია მაგრამ დილას მაინც ხომ დაიწყებ ღიმილით :))შემდეგ ლოგინიდან წამოდგომა ერთი ორი წავარჯიშება, შხაპი პირადი ჰიგიენის მოწესიგება და საუზმე. საუზმეს რაც შეეხება ვცდილობ დილით ძალიან კარგად ვიკვებო რადგან მთელი დღის განმავლობაში ცოტა ვჭამო შესაბამისად ნაკლები კალრიები მივიღო და მეტი დავწვა :)) ჩემთვის დილა ჭიქა ყავის გარეშე არ არსებობს, არ ვიცი ფსიქოლოგიური მომენტია თუ მართლა ასეა მაგრამ ბოლომდე გამოფხიზლებაში მიწყობს ხელს.
დილით საუზმის პერიოში ვცდილობ ამინდის პროგნოზს და ახალ ამბებს გავეცნო, ძალიან მომწონს უცხოეთში არსებული ,,ტრადიცია'' გაზეთების გამოწერის აუცილებლად გამოვიწერ რამოდენიმე გაზეთს საუზმისთვის :)) შეეცადეთ მხოლოდ კარგი ამბები წაიკითხოთ წინ ისედაც რთული დღეა.
ნუ მოკლედ ჩემი აზრით აი რა არის საჭირო კარგი დილისთვის:
1. ღიმილი
2. ვარჯიში
3.პირადი გჰიგიენის მოწესრიგება. (არასოდეს არ გახვიდეთ გარეთ პარფიუმის გარეშე, ოღონდ ეს იმას არ ნიშნავს რომ ფლაკონი ზედ დაიცალოთ :))))))) a woman who doesn't wear perfume has no future (c)coco chanel )
3.საუზმე
4.კარგი ამბების გაგება
5. საყვარელი მუსიკის მოსმენა
6. დადებითად დამუხტვა
7. და აუცილებლად უსურვეთ საყვარელ ადამიანებს ბედნიერი დღე, ეს თქვენზეც დადებითად იმოქმედებს
და უბრალოდ Just smile :)

ყველაზე ბედნიერი დილა საყვარელი ადამიანის კოცნით იწყება :)

რა არის სიყვარული....ვერტიკალურია თუ ბრუნვადი?

2011-10-16T06:19:00.000-07:00

''მკვლევარებმა 4-დან 8 წლამდე ბავშვებს ჰკითხეს, რა არის სიყვარულიო. აი რას ამბობენ პატარები:
6 წლის რებეკა: როცა ჩემი ბებო ართრიტით დაავადდა, ვეღარ იხრებოდა და ვეღარც ფეხის ფრჩხილებზე ისვამდა ლაქს და ყოველთვის ჩემი ბაბუ უსვამდა, მაშინაც კი, როცა თვითონაც დაუავადდა ხელები ართრიტით. ეს არის სიყვარული.
6 წლის კრისი: სიყვარულია, როცა შენი შემ...წვარი კარტოფილის უმეტეს ნაწილს ვინმეს აძლევ და სამაგიეროდ არაფერს თხოვ.
5 წლის ერიკი: სიყვარული გაიძულებს დაიღიმო, როცა ძალიან დაღლილი ხარ.
7 წლის დენი: სიყვარულია, როცა დედა ყავას უმზადებს მამას და მიტანამდე მოსვამს, რათა დარწმუნდეს, გემრიელია თუ არა.
7 წლის ნოელი: სიყვარულია, როცა ბიჭს ეუბნები შენი პერანგი მომწონსო და იგი ყოველდღე იცვამს ამ პერანგს.
5 წლის მერი-ენი: სიყვარულია, როცა შენი ლეკვი სახეს გილოკავს მაშინაც, როცა მთელი დღით შინ მარტო დატოვე.
7 წლის ბილი: როცა ვინმეს უყვარხარ, შენს სახელს განსაკუთრებულად წარმოთქვამს და იცი, რომ შენი სახელი სამუდამოდაა დაცული.
6 წლის კარენი: როცა ვინმე გიყვარს, შენი წამწამები მუდამ მაღლა მიფრინავენ და დაბლა ეშვებიან, ზემოთ, ქვემოთ, იქიდან კი ვარსკვლავები იფრქვევა.
8 წლის ჯესიკა: თუ არ გიყვარს, არავითარ შემთხვევაში არ უნდა თქვა მიყვარსო, და თუ გიყვარს, ეს გაუთავებლად უნდა იმეორო, თორემ ადამიანებს ავიწყდებათ სიყვარული''

ასე იწყება თბილისის ფორუმზე არსებული თემა :რა არის სიყვარული

http://forum.ge/?f=20&showtopic=34287271

ბავშვების ნააზრები რომ წავიკითხე სიმართლე გითხრათ ცოტა გული ამიჩუყდა და თვალებზე ცრემლები მომადგა. ისეთი პასუხები იყო ზოგმა დიდმაც რომ აუცილებლად უნდა გაითვალისწინოს.

ბავშვების საპირისპიროს ამტკიცებენ, მეცნიერები როგორც გაირკვა თურმე:

,,როგორც "მედიანიუსი" იუწყება, სიყვარული ფსიქიკური დაავადებების საერთაშორისო რეესტრში ჯანმრთელობის დაცვის მსოფლიო ორგანიზაციამ შიფრით F63.9 შეიყვანა.

სიყვარულს მიანიჭეს ფსიქიკური დარღვევების კატეგორია, რომელიც ,,ჩვევებისა და გატაცებების დარღვევას” გულისხმობს. მას ეს კატეგორია ალკოჰოლიზმის, ტოქსიკომანიის, კლეპტომანიის, თამაშდამოკიდებულების შემდეგ მიენიჭა.
საერთო სიმპტომები შემდეგია: სხვა ადამიანზე აკვიატებული ფიქრი, ხასიათის ხშირი ცვლილება, საკუთარი ღირსების ამაღლებული გრძნობა, საკუთარი თავის შეცოდება, უძილობა, დაუფიქრებელი და იმპულსური ქმედებები, არტერიული წნევის ცვალებადობა, თავის ტკივილები, ალერგიული რეაქციები, აკვიატებული იდეის სინდრომი.
აღსანიშნავია, რომ მექსიკის ეროვნული უნივერსიტეტის სამედიცინო ფაკულტეტის მკვლევარები ვარაუდობენ, რომ სიყვარული ოთხ წელზე მეტ ხანს არ გრძელდება, რასაც ფიზიოლოგიური მიზეზებით ხსნიან.''

http://7days.ge/index2.php?newsid=13688

ამბობენ სიყვარულია სხვის ბედნიერებაში საკუთარის პოვნაო, ან სულაც ორმხრივი სიყვარული არარსებობს ერთ მხარეს უყვარეს მეორე კი უბრალოდ ნებას რთავს რომ უყვარდეთო.

სიყვარულო, ძალსა შენსა ვინ არს რომე არ ჰმონებდეს? (ალექსანდრე ჭავჭავაძე)

ფაქტი ერთია ეს არის გრძნობა რომელმაც შექმნა მსოფლიო შედევრები ლიტერატურული, ფერწერული, არქიტექტურული, მუსიკალური თუ სხვა.

არ შემიძლია გარკვეულწილად არ დავეთანხმო ზემოდთქმულ მეცნიერების აზრს ის თავისებური სიგიჟეცააა, კარგი სიგიჟე. ეს არის თავგანწირვა, ღრუბლებში ფრენა, ბევრი ლამაზი წუთი..დღე..წელი...
სიყვარულია უყურო მას და მუცელში უამრავი ჭიანჭველა დაგდიოდეს, გული იმ დონეზე ცემდეს კარდიოლოგები არითმიას რომ ეძახიან, გიყვარდეს ის და ყველა და ყველაფერი მისი. მისი ბედნიერებისთვის თუ საჭიროა ის სხვას დაუთმო.

რა არის სიყვარული? სიგიჟე, ბევრი სითბო, სიხარული, ბედნიერება, არაამქვეყნიური გრძნობა, რის გარეშეც ცხოვრება უბრალოდ და მდორედ ითვლის დღეებს :)

რჩევა: ჯერ გაიცანი და მერე შეიყვარე და არა პირიქით, გაუფრთხილდი სიყვარულს რომ არ შემოგემსხვრიოს :)

P.S. მოკლედ იმისათვის რომ გაიგო რა არის სიყვარული საკუთარ თავზე უნდა გამოცადო :)

რადიოობანა და მონატრებული ბავშვობა

2011-09-27T13:08:00.000-07:00

ბოლო 1 საათია www.youtube.com-ზე ნოსტალგიური სიმღერები ამეკვიატა, ანუ სიმღერები რომლებმაც ბავშვობა გამახსენა. არ მახსოვს საიდან დაიწყო ეს ყველაფერი, ოჯახში მეუბნებიან ბავშვობაში სოსო პალიაშვილი გიყვარდაო და დღემდე მაქვს ,,კასეტა'' სადაც 2 წლის და 6 თვის გულმოდგინედ ვმღერივარ ,,სამშობლოს'' :)))
მახსოვს როგორ ვაგროვებდი, ბრიტნი სპირსის, ,,Spice Girls''-ის, ,,Backstreet boys''-ის კასეტებს, ნაკლეიკებს, მათზე ინფორმაციებს, რომლებსაც შემდგომ საგანგებოდ მოწყობილ ბლოკნოტში ვაკრავდი :)))) შემდეგ საქართველოშიც ,,აყვავდა'' შოუ-ბიზნესი. ასეთი გასაცემა იყო ,,შვიდეული'' პირველად იქ ვნახე ჯგუფი ,,ქუჩის ბიჭები'' და ქერათმიანი ბიჭი მომეწონა, და ,,ჩავუჯექი'' ამ ჯგუფს. ის ქერათმიანი ბიჭი ირაკლი ნოზაძე ანუ პიკასო იყო. მახსოვს მთელი გულით მჯეროდა რომ ის იყო ჩემი ცხოვრების ყველაზე დიდი სიყვარული :))) ის დღეც კი მახსოვს 12 წლის ღლაპი ირაკლისთან რომ მივედი დავუთხარი მე შენ მიყვარხარ, ოღონდ სერიოზულადმეთქი, ირაკლიმ ძალიან თბილად მიიღო ჩემი ,,სიყვარულის ახსნა''. :)))) დავდიოდი მათ კონცერტზებზე, ვაგროვებდი ყველაფერს მათზე, არ ვტოვებდი არცერთ ე.წ. ფან-შეხვედრებს.
არც ეს მახსოვს ზუსტად როდიდან დაიწყო მაგრამ რადიომანია დამეწყო, ვუსმენდი თითქმის ყველა რადიოს და ვრეკავდი თითქმის ყველგან, ვიგებდი ათასნაირ პრიზებს და ბედნიერი ვიყავი :))) ყველაზე აქტიურად ,,ფორტუნაპლიუსის'' მსმენელი გახლდით. ზედმეტსახელი პიკა-თი (პიკასოს სიყვარულის გამო შემარქვეს:)))) მიცნობდნენ, მუსიკაური წამყვანები ხმაზე მცნობდნენ, ყოველ საღამოს ,,რიქვესთ შოუს'' ეთერში ისმოდა ჩემი ზარი :))) ხან სპეციალური სიიით ვრეკავდი მიძღვნებში ვინმე რომ არ გამომრჩენოდა, ხან დაბადების დღეს ვულოცავდი მეგობრებს, მოკლედ დასარეკი თემა ყოველთვის მქონდა. ეთერში გასვლის შემდეგ კი მეგობრებს ვეხმიანებოდი აბა როგორი იყომეთქი :))))))
მერე გავიზარდე...მერე მე თვითონ ვიმუშავე ცოტა ხანი რადიოში...

ოჯახური ლაშქრობა ფშავში :))) დაგვიანებული პოსტი

2011-09-26T05:32:00.000-07:00

    24 სექტემბერს დიდუბის ავტოსადგომის მიმდებარე ტერიტორიაზე არავინ მელოდა, გარდა ერთისა რომელსაც გავაფრთხილე თუ დავიგვიანებდი უცემოდ არ წასულიყვნენ :) სურპრიზი მოვუწყვე (მე რა მამაჩემმა) მეგობრებს.
     წინა დღეს საშინელ ხასიათზე ვიყავი, (თუ ძალიან გაინტერესებთ რატომ წინა პოსტი ნახეთ) ხოდა გადაწყვეტილი მქონდა აღარ წავსულიყავი ვაჟაობაზე ფშავში. თუმცა დილით სასწრაფოდ გამაღვიძა მამაჩემმა გაგვიანდებაო და მეც მივხვდი რომ ჩემი არ წასვლით ძალიან მაგარ რაღაცას დავაკლდებოდი.
      ყველაფერი კი დაიწყო იქედან რომ შევიკრიბეთ ,,წანწალის მოყვარული'' მეგობრები (ოჯახის წევრები). ცოტა ავირიეთ-დავირიეთ მაგრამ საბოლოო ჯამში მოვაბით თავი.
რაც შეეხება ჩვენს ოჯახს :)) ის თბილისის ფორუმის წყალობით შეიქმნა, ანუ მისმა წევრებმა ფორუმზე გავიცანით ერთმანეთი. წარმოგიდგენთ მის წევრებს: ხატია-(იგივე პლინჩეშა)- ჩემი და და დის შვილი, ვახო(იგივე ფროდი)- ჩემი დისშვილი, ნინო_ჩემი და და ფროდის და ხატიას დედა, გურამი-ფროდის სიმამრი, და ორი უსაყვარლესი ჩემი დიშვილი (ნინოს ნამდვილი შვილები:))), ანუ ხატიას და ფროდის ძმები გიო და ირაკლი <3 და ოჯახის ახლო მეგობრები მეორე ნინო და ნატალი.
მოკლედ როგორც ზემოთ ავღნიშნე ოჯახის წევრები დიდუბის ავტოსადგომზე შევიკრიბეთ და ჩვეული თავბოლოობით ხან ერთ სამარშუტო ტაქსში ჩავჯექით ხან მეორეში(გასვლამდე), ბოლოს როგორც იქნა ვიპოვეთ უჟმური მძღოლი :))) რომელსაც შევუთხანმდით რომ წაგვიყვანდა და წამოგვიყვანდა.
   გზაში ხატია გავამელოტეთ მე და ფროდიმ იმდენი ვწიწკნეთ თმები :)))
როგორც იქნა ცავედით დანიშნულების ადგილას და ეგრევე ერთმანეთი დავკარგეთ :)))) და ვაჟას მუზეუმმა შეგვახვედრა ერთურთს :)) ერთობ გასაოცარი და ლამაზი სანახაობა გადაიშალა ფშავში ჩემს წინაშე, იქ უკეთ შევიგრძენი თუ რატომ უგალობდა ვაჟა ბუნებას.
    ქვით ნაშენები ვაჟას სახლი ორი ოთხასგან შედგებოდა ე.წ სამზარეულო და მისაღები. ძველებური ვაჟას ნაქონი ნივთები იყო გამოფენილი. ოთახში მიყუჟულიყო პატარა ხის მაგიდა სკამითურთ სადაც არაერთი გენიალური ნაწარმოები შექმნილა. აივანზე ძველებური ხალიჩები იყო გამოფენილი. ეს ყველაფერი სისადავით გამოირჩეოდა და სიმყუდროვის ატმოსფეროს ქმნიდა. მე და ხატია ვაჟას სახლში მოვშინაურდით :))
ვაჯას სახლთან ახლოს ქართველი მთის შვილი ფალავნები ეჭიდავებოდნენ ერთმანეთს, ხოლო საგანგებოდ გამართულ სცენაზე სიმღერები, ლექსები და ცეკვები ენაცვლებოდნენ ერთმანეთს.
   მე და ნინოს (ოჯახის ახლო მეგობარი) მოგვშივდა და ვაჟას ყოფილ წისქვილის ადგილას მდებარე ფაცხებში მლაშე მაგრამ გემრიელი მწვადები ვჭამეთ :))) ხოლო როცა ოჯახის დანარჩენ წევრებს მოშივდათ უარით გამოგვისტუმრეს აღარც მწვადი გვაქვს და აღარც ხინკალიო :( ჩვენ ხაჭაპურის შეკვეთა მივეცით მაგრამ საბოლოოდ გადავწყვითეთ თბილისში გვეჭამა და გამოვიპარეთ :))))
პატარა და ძალიან საყვარელი ირაკლი არაგვმა მოხიბლა და ყველას გვთხოვდა მდინარე მტკვართან ჩავიდეთო. მე და ხატიასაც გვქონდა საქმე არაგვთან, სიყვარული უნდა გაგვეტანებინა :)))
      სახლის ეზოში და არამარტო იქ, ძალიან ბევრი სურათი გადავიღეთ, თუმცა ყველაზე დასამახსოვრებელი მაინც ე.წ. უნივერსალური პოზის (ცუდი არაფერი იფიქროთ :))) გადაღება იყო. გარშემო ხალხი გაოცებით გვიყურებდა :))))
       დაიწყო 6 სათიც და სამარშუტო ტაქსისკენ მიმავალ გზაზე მე და ხატია ჩავედით არაგვთან სიყვარულის გასატანებლად :))) მაგრამ მე პირიქით აქეთ მომიტანა სიყვარული არაგვმა :))))) და ირაკლისაც აუსრულდა სურვილი და ფროდუნიამ ჩამოიყვანა ,,მდინარე მტკვართან'' :)))))
       გასვლამდე დრო იყო დარჩენილი, რომელიც მე და ხატიამ უქმად არ დავკარგეთ, ვიპოზიორეთ :foreveralone: მიტოვებულ სახლთან, განვასახიერეთ სოფლის ქალები, მოკლედ ვიტინგიცეთ და გამოვეშურეთ თბილიში. გზად არაჩვეულებრივი ხედები იშლებოდა. განსაკუთრებით ლამაზი იყო მთა შებინდებისას <3
    თბილისში ჩამოსულები ,,ხინკლის სახლი''-სკენ გავეშურეთ და გემრიელად მივირთვით.

ნუ მოკლედ ბევრი რაღაც გამოვტოვე, ზოგი არ გამახსენდა... მაგრამ ეს იყო დაუვიწყარი დღე..

მე <3 მთა

''
ვაჟაობა ვაჟა- ფშაველასადმი მიძღვნილი სახალხო დღესასწაულია, რომელიც ყოველი წლის აგვისტო - სექტემბერში იმართება პოეტის მშობლიურ სოფელ ჩარგალში. ჩარგალში მდებარობს მისი სახლ-მუზეუმი.
ვაჟაობაზე ჩამოდიან ცნობილი მწერლები, სახალხო მთქმელები, საზოგადო მოღვაწეები, მოსწავლეები და სტუდენტები, ყველა, ვისაც ვაჟა-ფშაველას შემოქმედება უყვარს. იმართება პოეზიის საღამო, საზეიმო კონცერტი.
ბოლო წლების განმავლობაში ვაჟაობასთან დაკავშირებით თბილისიდან სპეციალურად ამ დღესასწაულისათვის ინიშნება დამატებითი ტრანსპორტი, რაც ფართოდ ანონსირდება ხოლმე მედიის სხვადასხვა საშუალებებით.'' ( http://pshavi.ge/turism/vajaoba.html )

ოჯახი

არაგვს ვატანდი სიყვარულს :)))

უნივერსალური პოზა :)))

რაღაც დეპრესიისმაგვარი... ანუ ვერავინ ვერ ამჩნევს როგორ ტირის ღამღამობით ის ვინც ცხოვრების ბილიკებს ღიმილით მიუყვება...

2011-09-23T10:01:00.000-07:00

დღეს ყველა სოციალურ ქსელში ,,გავუქმდი''. არ ვიცი რატომ უცებ მომიარა. უცებ მომინდა მარტო ვყოფილიყავი და ზედმეტი კითხვების გარეშე ,,რა გჭირს?'' არაფერიც არ მჭირს უბრალოდ ხანდახან მეც ვარ ცუდად. არ მეღიმება, არ მეჭორავება, არ მეცეკვება. აი ასე ვიკეტები ჩემს თავში და ისევ ჩემი თავი გამომყავს ამ მდგომარეობიდან. ყველას გონია რომ მე არანაირი პრობლემა არ მაქვს :) და ყოველთვის ასეთი გაღიმებული და ბედნიერი დავდივარ. უბრალოდ არ მიყვარს როცა ვინმეს ვებრალები :) და როცა ყველაზე ცუდად ვარ მაშინაც ვცდილობ ბედნიერი ღიმილი ავიფარო სახეზე. არ ვიცი ეს ცუდია თუ კარგი მაგრამ ასეთი ვარ უკვე 23 წელია.
რა მჭირს დღეს? არაფერი უბრალოდ ყველაფერი ერთად.

მეპოსტვინება...

2011-08-06T22:49:00.000-07:00

დიდი ხანია აქ აღარაფერი დამიპოსტავს...არ ვიცი რატომ მოუცლელობის თუ იმის გამო რომ არ მიყვარს მაინცამაინც ჩემი ფიქრებისა და გრძნობების გასაჯაროება.
ახლა მოდაშია გქონდეს ბლოგი და პოსტო..პოსტო რამდენიც გინდა..გააკეთო დღიური, ან უბრალოდ შენი ახალი ამბების გვერდი, ან ელაპარაკო ადამიანებს ,,უმაღლეს მათემატიკაზე'', რომ თავი ძალიან განათლებულად წარმოაჩინო.
მე რატო ვპოსტავ? არ ვიცი...ვამბობ იმას რისი თქმის უფლებასაც მაძლევს ჩემი თავი..ამიერიდან ცოტა ხშირად დავდებხოლმე ჩემ ჩანაწერებს. რაღაც კონკრეტული მიმართულების მიცემას არ ვაპირებ ამ ბლოგისთვის. ჩემი ბლოგია და მორჩა. ვისაც უნდა შემოვა და წაიკითხავს, ვისაც არა და შესაბამისად-არა.
არ ვიცი ამ ზაფხულის დილას რამ გადამაწყვეტინა აქ დამეწერა. ალბათ ემოციების მოზღვავებამ.
ზუსტად ერთ კვირაში უკვე დიდი გოგო ვხდები..მეგობრები მეუბნებიან ერთადერთი ის შეცვალე შენს ბავშვურ ხასიათში რომ ძალიან გულუბრყვილო და მიმდობი ნუ იქნებიო. ეს რომ შევცვალო, მერე ხომ აღარ ვიქნები ბავშვი? :)))
ბევრი რაღაცის გაანალიზება მომიხდა ამ დღეებში და იცით ერთი ძალიან საინტერესო რამ აღმოვაჩინე, თურმე ძალიან იღბლიანი ვყოფილვარ და ღმერთს ძალიან ვყვარებივარ. ცხოვრებაში ყოველთვის იმას ვაღწევდი რაც მინდოდა თუმცა ბევრი სიძნელის გადალახვის ფასად, მაგრამ რაც უფრო მეტი მხვდება წინაღობა მით უფრო მეტად შევდივარ აზარტში მიზნის მიღწევამდე. ,,ქარის მოტანილს ქარივე წაიღებსო'' ამბობენ, ყველაფერი უფალმა მომცა, ხშირად გზააცდენილი სწორ გზას მაჩვენებდა და ყოველთვის ხელს მიწყობდა ჩემი ჩანაფიქრის ასრულებაში. ხშირად ბევრი რაღაც არ გამომდიოდა და სასოწარკვეთილებაშიც ვვარდებოდი, თუმცა მხოლოდ ახლაღა ვხვდები იმას რომ თურმე წინ უფრო საინტერესო რაღაც მელოდა.
ამიერიდან უფრო ხშირად დავპოსტავ.. ზეგ პარლამენტის თავმჯდომარესთან მაქვს შეხვედრა და შეხვედრის დეტალებით აქ გავჩნდები :)))

წერილი ,,მარტინის’’ ბოთლში...

2011-07-01T10:20:00.000-07:00

წერილი ,,მარტინის’’ ბოთლში...

დააLIKEეთ!!!!!!

არტ-GENI

2011-06-19T08:08:00.000-07:00

მირზაანში 18 ივნისს, ფესტივალი ,,არტ-გენი'' გაიხსნა. ბანკი ,,კონსტანტას'' და ამ ბანკის გვერდზე ჩემს მიერ დაწერილი კომენტარის დახმარებით, გუშინ ამ ფესტივალს დავესწარი.
დილის 9საათისთვის გამარჯვებული მონდომებული ფეისბუკელები სასტუმრო ,,რედიოსნ ბლუ ივერია''-სთან შევიკრიბეთ. დაახლოებით 10 საათისკენ ჩვენთვის გამოყოფილი ავტობუსი დაიძრა. მეგზურობას ბანკ ,,კონსტანტას'' არაჩვეულებრივი წარმომადგენელი ნანა გვიწევდა. ,,მობრუნების უბადლო მცოდნე'' მძღოლის და გზის არცოდნის გამო მგზავრობა ცოტა დროში გაიწელა და უკვე იმის ეჭვი გვიჩნდებოდა მგზავრებს მირზაანის მაგივრად ბათუმში არ აღმოვჩენილიავით :)))) როგორც იქნა კითხვა-მობრუნებით ჩავედით მირზაანამდე.

წელს ,,არტ-გენის მასპინძელი ქართველი პრიმისტივისტი მხატვრის ნიკო ფიროსმანაშვილის სახლ-მუზეუმი გახლდათ.
მუზეუმში ქართველი მხატვრის მიერ შერულებულ ორიგინალ ნამუშევრებთან ერთად წარმოდგენილი იყო დაკარგული ნამუშევრების ფოტო ვერსიაც. მაგრამ ყველაზე კურიოზული არაერთი ცარიელი ჩარჩო იყო რომლის ქვევითაც ნახავდით წარწერას რომ აქ წარმოდგენილია ფოროსმანის რაღაც კონკრეტული ნამუშევარი. :))
წლევანდელ ფესტივალის გახსნაზე წარმოდგენილი იყო კახური ფოლკლორის, სამზარეულოს და ხალხური რეწვის არაჩვეულებრივი ნიმუშები.

თავიდან გაუცხოვებული მონდომებული-ფეისბუკელები, კახურმა სამზარეულომ დაგვამეგობრა :))) სადილობის შემდგეგ ფესტივალის ორგანიზატორების მიერ დაგეგმილ ექსპერიმენტში ჩავებით, რომელიც გულისხმობდა ჩვენთვის სიმღერის შესწავლას. არაერთგზის რეპეტიციის და ცდის შემდეგ, რამოდენიმე საათის შექმნილ ანსამბლის კვალობაზე ვფიქრობ ძალიან კარგი ნამრღერი გამოგვივიდა. ჩვენი რეპერტუარი შედგებოდა სამი სიმღერისგან: იმერული მგზავრული, აჭარული განდაგანა და ,,ჯილველოი''. ანსამბლის სახელწოდება ,,მონდომებული ფეისბუკელები'' იგივე ,,კისკისები'' გახლავთ. ბოლოს ჩვენი ნამღერი მომღერალმა და ფესტივალის ერთერთმა ორგანიზატორმა ნიაზ დიასამიძემ შეაფასა და აღნიშნა რომ ექსპერიმენტმა გაამართლა. ჩვენი ერთად ამღერება სწორედ მისი იდეა იყო.

მას შემდეგ რაც ბატონმა ნიაზმა ჩვენი ნამღერი შეაფასა ისევ თბილისის გზას გამოვუდექით და ავტობუსში არაჩვეულებრივი დრო ვატარეთ, თბილისამდე სულ ცეკვა სიმღერით ჩამოვედით.
ამ რამოდენიმე საათში გაცნობილი ბავშვები ძალიან შემიყვარდნენ და ჩემთვის ძალიან ხლობლები გახდნენ.
ესეც ფესტივალის განრიგი და იმედი მაქვს მონდომებულ-ფეისბუკელებთან ერთად ,,არტ-გენის'' ყველა დღეს დავეწრები და ისევ არჩვეულებრივ დროს გავატარებთ და კიდევ ერთხელ დავტკბებით ქართული ფოლკლორით.

18th of June - festival Art Gene will be visiting Mirzaani, Kakheti
23rd of June - Art Gene in Rustavi.

26th of June - Art Gene in Poti.
17th-25th of July - Folk festival at the ethnographic museum, Tbilisi.
21st of July - folk concert "Svjata Vatra", group from Estonia.

კიდევ ერთხელ დიდი მადლობა ბანკ ,,კონსტანტას'', ნანას, ფესტივალ ,,არტ-გენის'' ორგანიზატორებს და რათქმაუნდა მონდომებულ-ფეისბუკელებს ამ ძალიან ლამაზი დღისთვის.

ქალი-ლომი

2011-06-09T03:43:00.000-07:00

სიმართლე გითხრათ ჰოროსკოპების დიდი მოყვარული ვარ მარ მაგრამ ხანდახან გადავხედავხოლმე რაღაცეებს და ცოტ-ცოტა რაღაცეებშიც გავერკვიე :) როგორც უკვე ვთქვი ზოდიაქოს ნიშნით ლომი ვარ და ის რასაც ქვევით დავწერ ძალიან ემთხვევა ჩემს ხასიათს. მოკლედ ვისაც გსურთ უფრო უკეთ გამიცნოთ, ან ვისაც უბრალოდ გაინტერესებთ ქალი-ლომის დახასიათება ეს პოსტი აუცილებლად დაგაინტერესებთ.

ლომის ზოდიაქოს ნიშნით დაბადებული მანდილოსანი, დინამიური, შემოქმედებითი, ეპატაჟური, მხიარული, გულუხვი მაგრამ ამასთანავე რამდენადმე ეგოისტი და უზომოდ ამაყი ნატურაა.
გამომდინარე იქედან, რომ იგი ბუნებით აქტიური და ენერგიული ადამიანია, თავისუფლების წართმევით, თუნდაც ოქროს გალიაში დაამწყვდიოთ, მას სიცოცხლის ნაწილს წაართმევთ.

სამაგიეროდ ცოლი ლომი ნამდვილი განძია. თქვენ მას ვერასოდეს იხილავთ მოუწესრიგებელს ხალათით, სახეზე კრემწასმულს ან თავზე ბიგუდებით. ხომ არ გგონიათ, რომ იგი კოსმეტიკას არ ხმარობს? ხმარობს და მერე როგორ! ყოველივე ძვირფასის მოყვარულ ძუ ლომს, შეუძლია მთელი თავისი ქონება კოსმეტიკასა და სილამაზის სალონებში გაანიავოს.
იგივე შეიძლება ითქვას მის გარდერობზეც. ქურქები, შლაპები, ხელთათმანები, ძვირფასეულობა... ყველაფერი უაღრესად ნატიფი გემოვნებითაა შერჩეული და ამასთანავე საოცრად ექსტრავაგანტურია. ვშიშობ, მხოლოდ ერთ რამეში ვერ მოახერხებთ მის დაარწმუნებას: ღირს თუ არა ამგვარ სისულელეებში, ამდენი ფულის ხარჯვა.
ლომი ქალის თაყვანისმცემელმა, სატრფო პირველ რიგში საჩუქრებით უნდა აავსოს. ამასთან ისიც გაითვალისწინეთ, რომ ლომი ქალბატონისთვის მთავარი, საჩუქრის ფასი და ხარისხია.
არ დაგავიწყდეთ, თავად თქვენაც ძღვენის გადაცემის მომენტში, ვიზუალურად ბალზე წასასვლელად გამზადებულ პრინცზე არანაკლებად უნდა გამოიყურებოდეთ. ისწავლეთ კომპლიმენტების თქმაც, ლომ-ქალთან მხოლოდ სტანდარტული ”რა ლამაზი ხარ ძირფასო” არავითარ შემთხვევაში არ გამოგადგებათ. მისი გულის მოსაგებად, რაიმე გაცილებით ორიგინალურის მოფიქრება მოგიხდებათ.
სამაგიეროდ თუკი თქვენი საქციელით ძუ ლომის ყურადღება დაიმსახურეთ, იგი თაყვანისმცემელთა ურიცხვი არმიიდან, უმალ გმოგარჩევთ და სავარაუდოდ ალბათ მიახლოების უფლებასაც მოგცემთ. თუმცა ამ შემთხვევაშიც ისეთი მოწიწებით უნდა მოიქცეთ, თითქოს დედოფალთან მოღებაზე მისული, საპატიო სტუმარი იყოთ.
მართალია ლომი ქალების უმრავლესობა, მაგარი აგებულებისაა და სპორტული თამაშები უყვარს, მაგრამ აჯობებს თუ მას თეატრში დაპატიჟებთ და არა რომელიმე სპორტულ შეჯიბრებაზე.
თეატრის ატმოსფერო, მორთული ინტერიერი, საზეიმოდ გამოწყობილი ხალხი და პიესის ემოციური მუხტი (უმჯობესია თუ სასიყვარულო თემაზე იქნება) მას დადებითად განაწყობს.
სპექტაკლის შემდეგ გირჩევთ თქვენი ქალბატონი ვახშამზე მიიპატიჟოთ. მაგრამ არავითარი კაფე ან სასაუზმე. ვახშამი აუცილებლად კარგი რეპუტაციის მქონე, ძვირფას რესტორანში უნდა მიირთვათ. სადაც მხოლოდ სოლიდური საზოგადოება დადის.
ლომი ქალი შესანიშნავი დიასახლისია, მას შეუძლია სტუმრებს არამარტო გემრიელად გაუმასპინძლდეს, არამედ გაართოს და მოხიბლოს კიდეც ისინი. შინაურებში ალერსიან და მოსიყვარულე ძუ ლომს, უცხოებთან თავი შორს უჭირავს და მათთან უმცირეს ფამილარობასაც კი არ დაუშვებს.

ლომ-ქალს თავდავიწყებით უყვარს შვილები, მაგრამ მათ აღზრდა-განათლებაში სიმტკიცესაც ამჟღავნებს. ამასთან იგი თავისი ნაშიერის გამო, არც მნიშვნელოვან არისტოკრატულ შეკრებებს დააკლდება და არც თეატრში წასვლაზე იტყვის უარს.
ბევრი ლომი-დედა, ვერც საკუთარ პროფესიულ კარიერას ელევა და ოჯახურ ვალდებულებებს, სამსახურთან წარმატებით ათავსებს.
რაც შეეხება ერთგულებას, ძუ ლომი თავის რჩეულს მანამ უერთგულებს, სანამ ამ უკანასკნელის ღალატში არ დარწმუნდება. მაგრამ საკმარისია, სულ მცირედზეც კი იეჭვიანოს, რომ ორგულს მყისვე ღალატით გადაუხდის.
ლომი-ქალის ფარული ოცნებაა, ყოველთვის უყვარდეთ და აღმერთებდნენ. ამიტომ ხანდახან თავს უფლებას აძლევს, თქვენს მეგობარს წაერშიყოს. მაგრამ ამას გულთან ახლოს ნუ მიიტანთ.
სამაგიეროდ მისი თანდასწრებით თქვენ არათუ არშიყს, უცხო ქალისთვის თავაზიან გაღიმებასაც ვერ გაბედავთ. თქმა არ უნდა ამგვარი დამოკიდებულება უსამართლობაა, მაგრამ თქვენ ხომ თავიდანვე უნდა გცოდნოდათ, რომ ლომ-ქალთან ურთიერთობისას იგი დედოფალია, თქვენ კი მხოლოდ და მხოლოდ საკუთარ ქვეშევრდომად მოგიაზრებთ.
მაგრამ თუ თავი გონიერ პიროვნებად მიგაჩნიათ და ძუ ლომს, ჯეროვანი პატივიცემით მოეპყრობით, მერწმუნეთ ამ ჭირვეული ქალბატონის მორჯულებას სულ ადვილად მოახერხებ.

ჩემს მომავალ შვილს...

2011-06-07T13:56:00.000-07:00

დე, არ ვიცი როგორი იქნები..არ ის ვიცი რა სქესის იქნები. ერთი ის ვიცი ზუსტად რომ ამქვეყნად ყველაზე მეტად მეყვარები. ამ ბოლო დროს ძალიან ხშირად ვფიქრობ შენზე. და ძალიან ხშირად მინდება რომ მყავდე.
ჯერ იქნება ალბათ 9თვე..ხშირად გამიფუჭდება ხასიათი, უმიზეზოდ ვიტირებ, რაც მიყვარდა იმაზე ცხვირს ავიბზუებ, მუცელშიც ბევრს მოგეფერები და ამბებს მოგიყვები.
მერე ერთ დღესაც რაღაც ტკივილი შემწუხებს და ცოტა ხანში შენს პირველ ტირილსაც გავიგებ, ჩემო პატარა გპირდები რომ მაგ დღიდან ყველაფერს გავაკეთებ იმისთვის რომ აღარასოდეს ვნახო შენს თვალზე ცრემლი. ყველაზე ბედნიერი ვიქნები როცა ჩემს გულზე დაგაწვენენ პირველად და შენს ლამაზ თვალებს ჩავხედავ. იმ თვალებს რომლის ყოველი დანახვისას ყველა ტკივილი დამავიწყდება.
ბევრს მოგეფერები ჩემო სიცოცხლე. ძილის წინ გიმღერებ, ამბებს და ზღაპრებს მოგიყვები. ვერასოდეს ვერაფერს ვერ გავიგებ იმაზე ტკბილს როგორც იმას თუ როგორ დამიძახებ პირველად დედას. ბევრს ვითამაშებთ ერთად. შენ როცა იტირებ მეც ვიტირებ, მაგრამ როგორც უკვე შეგპირდი ყველაფერს ვიზავ რომ არ იტირო.
ყოველგან თან გატარებ სადაც შემეძლება, სადაც უშენოდ ვივლი იქედან ყოველთვის მალე წამოვალ რომ არ გალოდინო.

მერე დავჯდებით და მეც შენთან ერთად ,,პირველად ვისწავლი'' ანბანს. ვეცდები საუკეთესო განათლება მიგაღებინო და წალიან წარმატებული ადამიანად ჩამოყალიბებაში შეგიწყო ხელი.

ალბათ იმასაც მეტყვი ვინ მოგეწონება და შეგიყვარდება, ბაღში, ეზოში ან სკოლაში.

გაგზრდი თავისუფლად ზედმეტი შებოჭვების გარეშე. გაგზრდი ისე რომ მე და შენ ყველაზე საუკეთესო მეგობრები გავხდეთ.

ჩემო პატარა უკვე ძალიან მიყვარხარ :*

მე :))

2011-06-07T10:10:00.000-07:00

ვინც ჩემს ბლოგზე შემოვა ბევრს გაუჩნდება კითხვა თუ ვინ არის ამ ბლოგის ავტორი..
ცოტა რამ ჩემს შესახებ: მე ვარ მარიამ მაისურაძე, (სახლში მარიკას და მაროს მეძახიან, მეგობრები მარუსას, მარიკუნას, მარუს, ჩემი 2 წლინახევრის დეიდაშვილის შვილი მაის <3 )დავიბადე 1988წლის 14 აგვისტოს (ზოდიაქოს ნიშანი-ლომი, მაქვს მორიელის თვისებებიც) ვცხოვრობ თბილისში.

ვწავლობდი 122-ე და 101 საშუალო სკოლებში. შემდეგ გავიარე ერთიანი ეროვნული გამოცდები და სრული დაფინანსებით მოვხვდი თეატრალურ უნივერსიტეტში ხელოვნებათმცოდნეობის ფაკულტეტზე. ყოველთვის მინდოდა თეატრალურში სწავლა, და ეს ოცნებაც ავიხდინე :)) მიუხედავად იმისა რომ ხელოვნებათმცოდნეობა მაქვს დამთავრებული 4წელზე მეტი ვიმუშავე ჟურნალისტად. ვთვლი რომ ეს პროფესია ყველაზე საინტერესოა პროფესიათა შორის. ამჟამად არსად არ ვმუშაობ, უფრო სწორედ ვეძებ სამსახურს.. ბედნიერი ვიქნები თუ ისევ ჟურნალისტიკას დავუბრუნდები. ბოლო 2 წელია ძალიან დამაინტერესა საზოგადოებასთან ურთიერთობამ ანუ ,,PR''-მა. ვაპირებ მაგისტრატურაზე ამ განხრით გავაგრძელო სწავლა. ამიტომ წელს უკვე მესამედ გავდივარ ეროვნულ გამოცდებზე. შარშან ჩავაბარე და ჩავირიცხე ილიას უნივერსიტეტში ბიზნეს მენეჯმენტის ფაკულტეტზე თუმცა სწავლის დაწყებიდან 2 კვირის შემდეგ დავწერე განცხადება და ამოვეწერე ამ უნივერსიტეტის სტუდენტთა სიიდან, რადგან ეს ის არ იყო რაც მე მინდოდა. ამჯერად ,,ჯიპაში'' ვაბარებ.
ეს რაც შეეხება ჩემს სწავლა-განათლებას...

ახლა უშუალოდ ჩემს შესახებ :)
რაღაც სივისმაგვარი უფრო გამომდის ჩემ თავზე მონათხრობი, მაგრამ არაუშავს :))
მოკლედ ვარ ძალიან მხიარული და ენერგიული. ვარ საშინელი რომანტიკოსი . მეგობრების წრეში ძალიან ბევრს ვტლიკინებ და ნათესავებთან რატომღაც იშვიათად ვიღებ ხმას :)) უზომოდ მიყვარს ჩემი მეგობრები. ნათესავებს რაც შეეხება მყავს ძალიან დიდი სანათესაო. მიყვარს ბევრი სიარული, ცეკვა, ჩემთვის მისაღებ ხალხთან დალევაც. ალკოჰოლური სასმელებიდან უპირატესობას ვანიჭებ ბეილისს და ლუდს, ასევე წითელი ღვინოსაც. უალკოჰოლოდან მიყვარს გაზიანი სასმელები (,,შუშხუნა ლიმონათები'' ) და რედბული. ყავა და ჩაი ჩემი ცხოვრების განუყოფელი ნაწილია :))) ამბობენ რომ კარგი მზარეულიც ვარ, ,,გემრიელი ხელები'' გაქვსო მეუბნებიან :)) ჩემი პროფესიიდან გამომდინარე ალბათ მიხვდებით რომ ძალიან მიყვარს ხელოვნება.

უზომოდ და უსაზღვროდ მიყვარს ბავშვები.ყველა ბავშვთან ვპოულობ საერთო ენას და მეც მათთან ერთად ვერთობი და ვთამაშობ, და ხშირ შემთხვევაში თამაშ-თამაშით ვცდილობ რაღაცეები ვასწავლო. მინდა მინიმუმ 4 შვილი მყავდეს. ბავშვებისგან ყველაზე მეტ დადებით და დიდ ენერგიას ვიღებ. რააც არ უნდა ცუდად ვიყო მათთან ურთიერთობა ყოველთის კარგ განწყობაზე მაყენებს.

თბილი არ ვარ, უფრო სწორედ ვერ გამოვხატავ სითბოს, ისე ჩემთვის მიყვარს გულში :))))
საპირისპირო სქესთან ურთიერთიბაში ძალიან გახსნილი და პირდაპირი ვარ, თუ მომწონს ვიძახი რომ მომწონს, თუ არ მომწონს ვცდილობ გავაქრო ჩემი ცხოვრებიდან :))) მაგრამ თუ მამაკაცისგან უზომოდ დიდი ყურადღება ვერ ვიგრძენი მასთან ურთიერთობას ვწყვიტავ :) მინდა შემიყვარდეს ძალიან, ისე როგორც გასული 5 წელი მიყვარდა..ან იმაზე მეტად. ნუ რათქმაუნდა ეს სიყვარული ორმხრივი უნდა იყოს :))

მინდა ცხოვრებაში ბევრს მივაღწიო, გავხდე წარმატებული ჩემს საქმიანობაში, ვიყო ძალიან კარგი დედა და მეუღლე.
არ მეშინია სიკვდილის, უბრალოდ ჯერ არ მინდა, თორემ ვიცი რომ ეს გარდაუვალია და ზუსტად მაგიტომაც არ მეშინია. :)) მინდა რომ იქამდე ძალიან ბევრი რაღაც გავაკეთო.

მე მგონი ძალიან ბევრი დავწერე...ნუ ვისაც არ დაგეზარებათ წაიკითხავთ :))